Bormla - Citta Cospicua

Bormla, hi belt f'Malta, l-ikbar wahda mill-grupp ta' tlett ibliet li jifformaw il-Kottonera. Bormla tissejjaħ ukoll Cospicua, titlu li jwassal minn żmien il-Kavallieri, minħabba s-swar majestużi tagħha. Dan it-titlu inghata mil-Granmastru Zondadari.  F'Diċembru 2005 kienet tgħodd 6,092 ir-ruħ.

Bormla tinsab bejn il-Birgu u l-Isla. Dawn it-tlett ibliet jifformaw żona ta' bini fuq xaqliba mill-Port il-Kbir, faċċata mill-Belt Valletta.

Bormla kienet l-aħħar belt minn dawn it-tlieta li nbniet. Il-fortifikazzjonijiet tagħha, mibnijin mill-Kavallieri ta' San Ġwann, huma tant kbar u felħana li kif tarahom tinduna bis-saħħa u x-xogħol li ntefaq fuqhom.

Il-festa ta' Bormla hi fit-8 ta' Diċembru, f'unur l-Immakulata Kunċizzjoni. L-imhabba li hemm bejn il-Kuncizzjoni u l-Bormlizi hija tant kbira li Bormla wirtet l-isem ta Belt l-Immakulata u dan urewh il-Bormlizi matul iz-zminijiet.

L-oriġini tal-kelma Bormla probabilment jiġi mill-isem Bir-Mula: il-Bir tal-Mulej. Fl-1722 il-Gran Mastru Zondadari ddikjaraha belt, taħt l-isem ta' Ċittà Cospicua. Fl-1776, l-Ordni beda jibni baċir f'Bormla. Minn hawn 'il quddiem, Bormla kellha tkun marbuta ma' l-industrija tat-Tarznari. Minħabba f'hekk, Bormla kienet milquta bl-ikrah fit-Tieni Gwerra Dinjija.  Wara l-gwerra Bormla iccelebrat ir-ritorn tal-Immakulata gewwa Bormla f'pellegrinagg nazzjonali nhar id-19 ta' Novembru 1944.  Fl- 2005 Bormla iccelebrat il-mitt sena anniversarju mil-inkurunazzjoni tal-kwadru titulari.